Logo for Dialekt gruppen på Jenle

MI NANNE, JA

Udgivet: 10. aug. 1902

Mi’ Nanne, ja

Der gaar en O her vejsterpo
med Fleg omkring og Kwanne, ja;
aa, der war det en Lyst aa go
i Awtensdôg med Nanne, ja!

Æ Suel er nied’, men øwer æ Hied’
der flywer en Pa’ Tanne ja;
æ Gjej han slaar, æ O den gaar
med aal mi’ Sind mod Nanne, ja.

Nys drøw en Æl; der kam en Hwæl
som fræ wor Møllers Swanne ja;
ok, de er tow, ka’ sow i Row,
nær a maa tink’ paa Nanne, ja.

Æ Nætter er no mørk’ og kold’,
æ Vejlo wot og wande, ja,
men a gaar øwer Kjar’ og Knold’
og vejsterud til Nanne, ja.

Der staar en Lys i Nannes Rud’
for mæ og ingen anne, ja;
te ett a gaar i Syk derud’
men vinder hjem te Nanne, ja.

— Ved Pig’erbø’en det tit er swær
aa skjell’ æ Own’ fræ Kjanne ja,
men det ta’r a mæ aalle nær,
saalæng’ a haar mi’ Nanne, ja.

For gaar æ gjemmel Ondt hæ’ Godt,
og stige’ heller strande’ a,
saa er hun mej i mi’ Komplot,
mi’ Dawsens Gled’, mi’ Nanne, ja!