Autografsamler
Ja, bejste Hr. Meyer!
Det er, som a sejer:
en Løfte er godt, men aa hold’en er bejer;
og a haar no lowe’,
saavidt som a howe’,
aa send’ Dem en Urd imell’ Unnen og Dowe’.
Men hwad a ska’ sej’ Dem,
hwad Knap a ska’ drej’ Dem.
det ved a sgi ett, hwis ett a maa træj’ Dem —
Men De ska’ jo ha’ æ
te jen, som De ga’ æ,
en Stod’er „der samler”; naa, kom saa og ta’ æ!
Det vil a forær’ Dem.
Gid Fanden fortær’ Dem,
om ti’re med den Slaw’ De’el beswær’ Dem!