Fræ den jen Jepp aa te den aan

Ved antikvitetsboghandler Jepp Poulsens 25-ors Jubilæum

20. oktober 1903

Fræ den jen Jepp aa te den aan

Do handler med skrøwter, som hver mand ved,
og do forsto’r æ så mari !
De bøgger a skrøw i mi ansigts sved,
dem sæler do laant under pari.

Og kløftig det e’ do, tak skam dæ for de,
saa møj der no blywer bor te dæ,
det skuld da go mier end ondle te,
om ett der war nøj, der hænd ve dæ.

No, løkk ve di disk, og løkk i di stow !
Vi ka såågu aalsammel træng’e !
Og gjør mæ saa aalle di priser så grow,
te ett a ka praang med dæ lønge.